Pāṭidesanīyakaṇḍaṃ
2.
Telaviññāpanādisikkhāpadavaṇṇanā
Pāḷiyaṃ anāgatesu pana aṭṭhasupīti pāḷimuttakesu sappiādīsu aṭṭhasupi.
Telaviññāpanādisikkhāpadavaṇṇanā niṭṭhitā.
Iti kaṅkhāvitaraṇiyā pātimokkhavaṇṇanāya
Vinayatthamañjūsāyaṃ līnatthappakāsaniyaṃ
Bhikkhunipātimokkhe pāṭidesanīyavaṇṇanā niṭṭhitā.
1.
Parimaṇḍalādisikkhāpadavaṇṇanā
Sekhiyāni cevāti pañcasattati sekhiyāni ceva. ‘‘Bhikkhupātimokkhavaṇṇanāyaṃ vuttanayeneva veditabbā’’ti iminā yasmā tādisaṃyevettha atthavinicchayaṃ vidū vadanti, tasmā visuṃ tesaṃ atthavaṇṇanā na vuttā. Tattha yā vuttā, sā idhāpi vuttāyevāti dasseti.
Parimaṇḍalādisikkhāpadavaṇṇanā niṭṭhitā.
Iti kaṅkhāvitaraṇiyā pātimokkhavaṇṇanāya
Vinayatthamañjūsāyaṃ līnatthappakāsaniyaṃ
Bhikkhunipātimokkhavaṇṇanā niṭṭhitā.
Nigamanakathāvaṇṇanā
Yaṃ pātimokkhassa vaṇṇanaṃ ārabhinti sambandho. ‘‘Mahāvihāravāsīna’’nti idaṃ purimapacchimapadehi saddhiṃ sambandhitabbaṃ, mahāvihāravāsīnaṃ porāṇaṭṭhakathāhi vāti ca. Pāḷiyatthañca kevalanti sakalaṃ pāḷiatthañca, ubhatovibhaṅgañcāti vuttaṃ hoti. Etthāti etissaṃ kaṅkhāvitaraṇiyaṃ. Yasmā na hi atthīti sambandho. Yanti yaṃ padaṃ. Sīhaḷaṭṭhakathānayanti sīhaḷamātikaṭṭhakathānayaṃ. Aṭṭhakathāsāranti sīhaḷamātikaṭṭhakathāyaṃ atthasāraṃ, atha vā vinayaṭṭhakathāsu atthasāraṃ. Tenetaṃ dasseti - sīhaḷamātikaṭṭhakathāyaṃ atthasāraṃ ādāya imaṃ kaṅkhāvitaraṇiṃ karonto vinayaṭṭhakathāsupi idha vinicchaye yogakkhamaṃ atthasāraṃ ādāyeva akāsinti.
Idāni sadevakassa lokassa accantasukhādhigamāya attano puññaṃ pariṇāmento ‘‘yathā ca niṭṭhaṃ sampattā’’tiādigāthādvayamāha. Kalyāṇanissitāti kusalanissitā. Sabbasattānanti kāmāvacarādibhedānaṃ sabbesaṃ sattānaṃ.
Nigamanakathāvaṇṇanā niṭṭhitā.
Nigamanakathā
Ettāvatā ca -
1.
Rājā parakkantabhujo yasassī;
Tidhāgataṃ sīhaḷamekarajjaṃ;
Akā nikāyañca tathā samaggaṃ.
2.
Majjhamhi nānāratanākarānaṃ;
Anantasampattibharābhirāme;
Varācaluttaṅgagharābhirāme.
3.
Nirākulānekakulākulasmiṃ;
Munindadāṭhaṅkuravāsabhūte;
Yo locanānandavahe vasanto.
4.
Pasannanīrehi jalāsayehi;
Supupphitānekakadambajambu -
Punnāganāgādihi vābhiramme.
5.
Pākārapantīhi ca gopurehi;
Vikiṇṇamuttāphalasannibhehi;
Vilokanīyehi sudhātalehi.
6.
Tahiṃ tahiṃ pītikare vihāre;
Mahādayo jetavanādayopi;
Susaṃyamānaṃ yatinaṃ adāsi.
7.
Guṇappasanno samaṇesu tesu;
Niccaṃ mahoghaṃ viya vattayanto;
Yojeti te ganthavipassanāsu.
8.
Rammo yo pacchimārāmo, pupphārāmādisobhito.
9.
Pāsāde dassanīyamhi, vasanto karuṇāparo.
10.
Sāriputtamahāthera-mahāsāmissa tādino.
11.
Vinayaṭṭhitikāmena, sumedhenābhiyācito.
12.
Mahāvihāravāsīnaṃ, yatīnaṃ samayānugaṃ.
13.
Mātikaṭṭhakathāyemaṃ, akāsiṃ sādhu vaṇṇanaṃ.
14.
Saṃvaṇṇanā sattasahassamattā;
Nirākarontī vinayamhi mohaṃ;
Tamaṃ carantī sasi kheva bhātu.
15.
Mahatthasāraṃ suvinicchayañca;
Saṃvaṇṇanaṃ sādhu pakubbatā yaṃ;
Citaṃ mayā puññamanappabhūtaṃ.
16.
Mayādinānekavidhena ceva;
Sattā anīghā sukhino averā;
Pappontu sabbe sugatiṃ sivañca.
17.
Gatā hi līnatthapadīpanīyaṃ;
Tathā janānaṃ api dhammayuttā;
Manorathā siddhimupentu niccaṃ.
18.
Dhammena pālentu mahiṃ mahindā;
Sattā pasannā ratanattayasmiṃ;
Dānādipuññābhiratā bhavantūti.
Vinayatthamañjūsā līnatthappakāsanīnāmikākaṅkhāvitaraṇīabhinavaṭīkā niṭṭhitā.