3.
Tatiyo paricchedo
Cittapavattiparidīpano
116.
Kusalākusalaṃ pubbaṃ, paramabyākataṃ mataṃ.
117.
Aṭṭha pañca cattāri ca, cattāri kamato kathaṃ.
118.
Sasaṅkhāramanañcekaṃ, tathā hīnamatidvayaṃ.
119.
Kāmāvacarapuññettha, bhijjate vedanādito.
120.
Veyyāvaccāpacāyañca, desanā suti diṭṭhiju.
121.
Dvārahīnādiyonīnaṃ, gatiyādippabhedavā.
122.
Udeti kālamuttaṃ vā, matihīnaṃ vināmalaṃ.
123.
Sesaṃ rūpamarūpañca, paññatti chaṭṭhagocaro.
124.
Pacchā paccati pākānaṃ, pavatte aṭṭhake duve.
125.
Deti dvādasa pāke ca, pavatte dhīyutaṃ vinā.
126.
Hīnaṃ panubhayatthāpi, hetuhīneva paccati.
127.
Rūpāpāye pavatteva, paccate anurūpato.
128.
Ādi cārādipītādisukhādīhi paraṃ tayaṃ.
129.
Pañcadhā rūpapuññaṃ tu, hotārammaṇato pana.
130.
Pekkhā mettādayo tayo;
Ādo catunnaṃ pañcannaṃ,
Sassāsakasiṇāni tu.
131.
Kamenātikkamāruppapuññaṃ hoti catubbidhaṃ.
132.
Catudhā pādakajjhānabhedato puna vīsati.
133.
Paraṃ paraṃ taducchedī, antaṃ sesakanāsakaṃ.
134.
Paṭhamaṃ vatthuṃ nissāya, dutiyaṃ ubhayenapi.
135.
Sesā nissāya vā na vā;
Honti ādidvayaṃ tattha,
Sādheti sakabhūbhavaṃ.
136.
Jhānūdayaphalattā na, phaladānāpi sambhavā.
137.
Sakammagocaroyeva, na caññoyamasambhavo.
138.
Mūlato tividhaṃ lobha-dosamohavasā siyā.
139.
Sasaṅkhāramanañcekaṃ, hīnadiṭṭhidvayaṃ tathā.
140.
Vedanādiṭṭhiādīhi, lobhamūlevamaṭṭhadhā.
141.
Mohamūlampi sopekkhaṃ, kaṅkhuddhaccayutaṃ dvidhā.
142.
Nissāya vā na vā honti, vadhādisahitā kathaṃ.
143.
Kudiṭṭhimethunābhijjhā, sesā kammapathā dvibhi.
144.
Paccate gocaraṃ tassa, sakalaṃ amalaṃ vinā.
145.
Catudhā kāmapākettha, puññapākādito dudhā.
146.
Ahetū pañca ñāṇāni, gahaṇaṃ tīraṇā ubho.
147.
Sopekkhāni cha sesāni, sapuññaṃva sahetukaṃ.
148.
Jāyate sesametassa, pubbe vuttanayā naye.
149.
Hoti aññena kammena, sahetupi ahetunaṃ.
150.
Sadukkhaṃ kāyaviññāṇaṃ, aniṭṭhārammaṇā ime.
151.
Pañcaṭṭhānāparā dve te, parittavisayākhilā.
152.
Paccuppannāva sesānaṃ, pākānaṃ cha tikālikā.
153.
Sakapuññena sandhādi-sakiccattayataṃ vinā.
154.
Hitvā mokkhamukhaṃ taṃ hi, dvidhā magge tidhā phale.
155.
Bhūmito tattha kāmikā;
Dvidhā hetusahetūti,
Tidhāhetu tahiṃ kathaṃ.
156.
Pañcachakāmāvacarā, sakalārammaṇā ca te.
157.
Vuttiyā na phale pupphaṃ, yathā chinnalatā phalaṃ.
158.
Na phale vattamānampi, moghapupphaṃ phalaṃ yathā.
159.
Puññaṃ pāpaṃ phalaṃ kriyā, ekūnanavutīvidhaṃ.
160.
Gahatīraṇavoṭṭhabba-javataggocaraṃ cuti.
161.
Cittappavatti chadvāre, saṅkhepā vuccate kathaṃ.
162.
Khāyate manasoyeva, sesānaṃ kammagocaro.
163.
Tadālambaṃ tato tamhā, cuti hoti javehi vā.
164.
Visayādīnavacchādi-namanakkhipakehi tu.
165.
Khipakā pana saṅkhārā, kusalāva bhavantiha.
166.
Tajjaṃ vatthuṃ sahuppannaṃ, nissāya vā na vā tahiṃ.
167.
Antarattaṃ vinā dūre, paṭisandhi kathaṃ bhave.
168.
Cittaṃ dūre siyā dīpa-paṭighosādikaṃ yathā.
169.
Uddhaṃ sandhinimittaṃ kiṃ, paccayopi kanantaro.
170.
Aññacittantarābhāvā, hotānantarakāraṇaṃ.
171.
Hoti sā sandhi teneva, upaṭṭhāpitagocare.
172.
Tasmā sānusayasseva, punuppatti siyā bhave.
173.
Bhavasandhānato sandhi, bhavaṅgaṃ taṃ tadaṅgato.
174.
Ekasantatiyā evaṃ, uppattiṭṭhitibhedakā.
175.
Hetusaṅkhyaṃ bhavaṅgassa, dvikkhattuṃ calanaṃ bhave.
176.
Ekābaddhena hotīti, sakkharopamayā vade.
177.
Dassanādi sakadvāra-gocaro gahaṇaṃ tato.
178.
Sattakkhattuṃ javo kāme, tamhā tadanurūpato.
179.
Javā mahante voṭṭhabbā, paritte nitare manaṃ.
180.
Vadanti vuttiṃ taṃ pāṭhe, anāsevanato na hi.
181.
Ñeyyo ambopamādīhi, dassetvā taṃ sudīpaye.
182.
Javokāme vibhūte tu, kāmavhe visaye tato.
183.
Avibhūte paritte ca, bhavaṅgaṃ javato bhave.
184.
Javāyeva bhavaṅgaṃ tu, brahmānaṃ catugocare.
185.
Viruddhattā bhavaṅgaṃ na, kiṃ siyā sukhasandhino.
186.
Niyamo na vināvajjaṃ, maggato phalasambhavā.
187.
Nirodhā ca phaluppatti, bhavaṅgaṃ javanādito.
188.
Ime sandhi bhavaṅgā ca, cuti cekūnavīsati.
189.
Santīraṇāni ekaṃva, voṭṭhabbamitināmakaṃ.
190.
Ekādasa bhavantete, tadārammaṇanāmakā.
191.
Phalāni pañcapaññāsa, javanāni bhavantime.
Iti saccasaṅkhepe cittapavattiparidīpano nāma
Tatiyo paricchedo.