Vīsatimo paricchedo
20.
Kalāpakathā
754.
Sahavuttiniyāmena, ekavīsavidhaṃ kathaṃ.
755.
Nava cha caturo dve ca, kalāpā ekavīsati.
756.
Cakkhādikehi yojetvā, dasakā aṭṭha dīpitā.
757.
Kāyitthipumbhāvavatthudasakā ca tathāpare.
758.
Navete kammajā nāma, kalāpā samudīritā.
759.
Kāyaviññattinavakaṃ, kāyaviññattiyā saha.
760.
Lahutādekādasakaṃ, tiṇṇannaṃ saha sambhavā.
761.
Vacīviññattilahutādīhi terasakaṃ tathā.
762.
Rūpākāravikārampi, saṅgahetvā yathārahaṃ.
763.
Lahutādekādasakaṃ, lahutādīhi tīhipi.
764.
Kalāpā utusambhūtā, catudhāva pakittitā.
765.
Lahutādekādasakaṃ, iti dve ojajā matā.
766.
Na kalāpaṅgamiccāhu, ākāsaṃ lakkhaṇāni ca.
767.
Tālīsekūnavīsā ca, kalāpaṅgāni tāni ca.
768.
Pañca pañceti rūpāni, tisataṃ soḷasādhikaṃ.
769.
Rūpakoṭṭhāsanāmena, pañcavīsati bhāvaye.
770.
Jātimekañca katvā vā, vinātha hadayaṃ tahiṃ.
771.
Vatthurūpaṃ na niddiṭṭhaṃ, paṭṭhāne desitaṃ tu taṃ.
772.
Tayo suddhaṭṭhakāpi ca;
Dve dve cittotusambhūtā,
Eko āhārajoti ca.
773.
Rūparūpavasenete, kalāpā cuddaseritā.
774.
Bhāvaddasakamekaṃ vā, katvā vatthuṃ vinā tathā.
775.
Suddhaṭṭhakā ca satteva, kammajā dasakāni ca.
776.
Agahītaggahaṇena, aṭṭhārasavidhaṃ bhave.
777.
Catukkā ca tikadvikā, ekakā ca yathārahaṃ.
778.
Cattāroti catuttiṃsa, sahavuttikarāsayo.
779.
Itthipumbhāvadasakasahitā sattakā dvidhā.
780.
Abhāvato bhāvahīno, itthaṃ chakkāpi sattadhā.
781.
Cakkhughānavihīnakā;
Sotaghānavihīnā ca,
Sabhāvā dve tayo tayo.
782.
Tividhāpi abhāvato;
Iccevaṃ pañcakā nāma,
Navakā rāsayo siyuṃ.
783.
Cakkhādittayato dvīhi, tayo hīnā abhāvakā.
784.
Cattārova kalāpāti, catukkā cha yathārahaṃ.
785.
Abhāvo dve sabhāvakā;
Kāyabhāvavatthuvasā,
Iti honti tayo tikā.
786.
Saddanavakaṭṭhakāti, dukā ca tividhā siyuṃ.
787.
Suddhaṭṭhakāni tīṇīti, cattāro ekakā siyuṃ.
788.
Rūparūpakalāpānaṃ, rāsayo honti sambhavā.
789.
Kalāparāsirūpāni, tattha tattha vibhāvaye.
790.
Agahītaggahaṇena, tattha tattha viniddise.
791.
Chabbīsa tattha rūpāni, sahassañca catussataṃ.
792.
Rūpe ca pañcadasake, asaññāpāyabhūmiyaṃ.
793.
Jātiṭṭhānesu sattānaṃ, sandhiyañca pavattiyaṃ.
794.
Bahisaṅkhārasantāne, matakāye ca sambhavā.
795.
Tattha vitthārasaṅkhepā, rūpānaṃ gaṇanāpi ca.
796.
Vitthāretvāna viññeyyā, sabbathāpi ca viññunāti.
Iti rūpavibhāge kalāpakathā niṭṭhitā.
Vīsatimo paricchedo.