Uppajjanti ca te khandhā, cavanti aparāparaṃ.

Nissaṭo sabbakāmehi, patto me āsavakkhayo’’ti.

Āhāraṭṭhitiko samussayo, iti disvāna carāmi esanaṃ.

Sukhumaṃ sallaṃ durubbahaṃ, sakkāro kāpurisena dujjaho’’ti.

Dvārena anupariyeti, ghaṭṭayanto muhuṃ muhuṃ.

Niggahītosi paññāya, neva dūraṃ gamissatī’’ti.

Chavasittova me patto, paṃsukūlañca cīvaraṃ.

Tatiye antaravassamhi, tamokhandho padālito’’ti.

Appaññātoti naṃ bālā, avajānanti ajānatā.

Pāpadhammopi ce hoti, so nesaṃ hoti sakkato’’ti.

Na kaṅkhamabhijānāmi, sabbaññūaparājite.

Magge paṭipadāyaṃ vā, kaṅkhā mayhaṃ na vijjatī’’ti.

Evaṃ abhāvitaṃ cittaṃ, rāgo samativijjhati.

Evaṃ subhāvitaṃ cittaṃ, rāgo na samativijjhatī’’ti.

Pahīno jālasaṅkhāto, bhavanetti samūhatā.

So me attho anuppatto, sabbasaṃyojanakkhayo’’ti.

Sadā ve rakkhitabbāsu, yāsu saccaṃ sudullabhaṃ.

Gacchāma dāni nibbānaṃ, yattha gantvā na socatī’’ti.

Suhataṃ hanti attānaṃ, vītaṃseneva pakkhimā.

Yasmiṃ pāpāni kammāni, sa ve kaṇho sujampatī’’ti.

Paññāya atthaṃ jānāti, ñāto attho sukhāvaho.

Sace ratiṃ nādhigaccheyya tattha, saṅghe vase rakkhitatto satimā’’ti.

Manusse uparundhanti, pharusūpakkamā janā;

Tepi tattheva kīranti, na hi kammaṃ panassati.

Tassa tasseva dāyādo, yaṃ yaṃ kammaṃ pakubbatī’’ti.

Āyu khīyati maccānaṃ, kunnadīnaṃva odakaṃ.

Pacchāssa kaṭukaṃ hoti, vipāko hissa pāpako’’ti.

Evaṃ kusītamāgamma, sādhujīvīpi sīdati;

Tasmā taṃ parivajjeyya, kusītaṃ hīnavīriyaṃ.

Niccaṃ āraddhavīriyehi, paṇḍitehi sahāvase’’ti.

Jano janena heṭhīyati, heṭheti ca jano janaṃ.

Janaṃ ohāya gacchaṃ taṃ, heṭhayitvā bahuṃ jana’’nti.

Bāhañca bhetvā aparañca bāhaṃ, sīsañca bhetvā dadhithālakaṃva;

Esā nisinnā abhisandahitvā.

Tasmā pajānaṃ upadhiṃ na kayirā, māhaṃ puna bhinnasiro sayissa’’nti.

Lābhī annassa pānassa, vatthassa sayanassa ca.

Appalābho anavassuto, sato bhikkhu paribbaje’’ti.

Pahāyānappake bhoge, uñchāpattāgate ratā.

Ramanti dhammaratiyā, hitvāna lokiyaṃ rati’’nti.

Uddhato capalo cāsiṃ, kāmarāgena aṭṭito.

Yoniso paṭipajjitvā, bhave cittaṃ udabbahi’’nti.

Moghaṃ pare pasaṃsanti, attā hi asamāhito.

Moghaṃ pare garahanti, attā hi susamāhito’’ti.

Bhāvitā mama bojjhaṅgā, patto me āsavakkhayo.

Bhāvayitvāna bojjhaṅge, nibbāyissaṃ anāsavo’’ti.

Tiriyaṃ soḷasubbedho, ubbhamāhu sahassadhā.

Anaccuṃ tattha gandhabbā, chasahassāni sattadhā’’ti.

Pañca kappasatānāhaṃ, ekarattiṃ anussariṃ.

Pañca kappasatānāhaṃ, ekarattiṃ anussari’’nti.

Karissaṃ nāvarajjhissaṃ, passa vīriyaṃ parakkama.

Ahaṃ monena monissaṃ, gaṅgāsotova sāgara’’nti.

Tato ādāsamādāya, sarīraṃ paccavekkhisaṃ.

Sabbe coḷā samucchinnā, natthi dāni punabbhavo’’ti.

Dhammādāsaṃ gahetvāna, ñāṇadassanamattano.

Ajjhattañca bahiddhā ca, tuccho kāyo adissathā’’ti.

Bhiyyo laddāna saṃvegaṃ, adīno vahate dhuraṃ.

Ājānīyaṃ maṃ dhāretha, puttaṃ buddhassa orasa’’nti.

Sīhanādaṃ nadissāma, buddhaseṭṭhassa sammukhā.

So no attho anuppatto, sabbasaṃyojanakkhayo’’ti.

Vīrā vijitasaṅgāmā, jetvā māraṃ savāhaniṃ.

Ahañca vitto sumano, puttaṃ disvā anāsava’’nti.

Sutvāna paṭipajjissaṃ, añjasaṃ amatogadhaṃ.

Na cāhu na ca me bhavissati, na ca me etarahi vijjatī’’ti.

Vimuccamāno uggacchiṃ, kāmadhātuṃ upaccagaṃ.

Akuppā me vimuttīti, sabbasaṃyojanakkhayā’’ti.

Gahakāraṃ gavesanto, dukkhā jāti punappunaṃ.

Sabbā te phāsukā bhaggā, thūṇikā ca vidālitā;

Vimariyādikataṃ cittaṃ, idheva vidhamissatī’’ti.

Sace uṇhodakaṃ atthi, munino dehi brāhmaṇa.

Apacitopaceyyānaṃ, tassa icchāmi hātave’’ti.

Sārattarattā maṇikuṇḍalesu, puttesu dāresu ca te apekkhā.

Rāgañca tesaṃ na balatthi chettuṃ, tasmā sitā puttadāraṃ dhanañcā’’ti.

Ekako cāhaṃ bherave bile viharāmi;

Tassa mayhaṃ ekakassa bherave bile viharato,

Natthi bhayaṃ vā chambhitattaṃ vā lomahaṃso vā.

Viharato natthi bhayaṃ vā, chambhitattaṃ vā lomahaṃso vā’’ti.

Virattaṃ rajanīyesu, kuppanīye na kuppati;

Yassevaṃ bhāvitaṃ cittaṃ, kuto taṃ dukkhamessati.

Virattaṃ rajanīyesu, kuppanīye na kuppati;

Mamevaṃ bhāvitaṃ cittaṃ, kuto maṃ dukkhamessatī’’ti.

Paṭijaggitumevesā, ratti hoti vijānatā.

Saṅgāme me mataṃ seyyo, yañce jīve parājito’’ti.

Saddhāya gharā nikkhamma, dukkhassantakaro bhave.

Kālañca paṭikaṅkhāmi, sampajāno patissato’’ti.

Nisinno hatthigīvāyaṃ, gāmaṃ piṇḍāya pāvisiṃ.

Sohaṃ ditto tadā santo, patto me āsavakkhayo’’ti.

Amataghaṭikāyaṃ dhammakaṭamatto, katapadaṃ jhānāni ocetuṃ.

Na hi tvaṃ kappaṭa mattamaññāsi, saṅghamajjhamhi pacalāyamānoti.

Yattha etādisaṃ dhammaṃ, sāvako sacchikāhi’’ti.

Tesamayaṃ pacchimako, carimoyaṃ samussayo;

Jātimaraṇasaṃsāro, natthi dāni punabbhavo’’ti.

Jāgaro sa hi suttesu, amoghaṃ tassa jīvitaṃ.

Anuyuñjetha medhāvī, saraṃ buddhāna sāsana’’nti.

Pahīnamānassa anāsavassa, devāpi kassa pihayanti tādino’’ti.

Pahīnamānassa anāsavassa, devāpi mayhaṃ pihayanti tādino’’ti.

Hemantikasītakālarattiyo, bhikkhu tvaṃsi kathaṃ karissasi’’.

Palālacchannako seyyaṃ, yathaññe sukhajīvino’’ti.

Na cattavaṇṇaṃ parisāsu byāhare, anuddhato sammitabhāṇi subbato.

Saṃsevitavuddhasīlinā, nibbānaṃ na hi tena dullabha’’nti.

Susaddalā cāpi mahāmahī ayaṃ, subyāpitambu suvalāhakaṃ nabhaṃ.

Susukkasukkaṃ nipuṇaṃ sududdasaṃ, phusāhi taṃ uttamamaccutaṃ pada’’nti.

Tena teneva vajasi, yena sūlaṃ kaliṅgaraṃ.

Satthā te dullabho laddho, mānatthe maṃ niyojayī’’ti.

Apassaṃ ariyasaccāni, andhabhūto puthujjano.

Sabbā gatī samucchinnā, natthi dāni punabbhavo’’ti.

Ekaṃ buddhagataṃ saññaṃ, alabhitthaṃ patissato.

Tassā saññāya vāhasā, patto me āsavakkhayo’’ti.